1ܐܸܢ ܒܠܸܫܵܢܹ̈ܐ ܕܒܢܲܝ̈ܢܵܫܵܐ ܗܲܡܙܸܡܸܢ؛ ܘܒܕܡܲܠܲܐܟܹ̈ܐ؛ ܘܚܘܼܒܵܐ ܠܵܐ ܗܵܘܹܐ ܒܝܼܝܼ؛ ܗَܘܹܐܠܝܼ ܢܚܵܫܵܐ ܕܙܲܡܙܸܡ؛ ܝܲܢ ܟ̰ܲܢܓ ܕܝܵܗَܒܸܠ ܩܵܠܵܐ. 2ܘܐܸܢ ܗܵܘܝܵܐ ܒܝܼܝܼ ܢܒܼܝܼܘܼܬܵܐ؛ ܘܝܲܕܥܸܢ ܟܠܵܝܗܝ ܣܸܪܹ̈ܐ ܘܟܠܵܗܿ ܝܕܹܥܬܵܐ؛ ܘܐܸܢ ܗܵܘܝܵܐ ܒܝܼܝܼ ܟܠܵܗܿ ܗܲܝܡܵܢܘܼܬܵܐ؛ ܕܵܐܟܼܝܼ ܕܛܘܼܪܹ̈ܐ ܫܵܢܸܢ؛ ܘܚܘܼܒܵܐ ܠܲܝܬ ܒܝܼܝܼ؛ ܠܹܐ ܝܘܸܢ ܡܸܢܕܝܼ. 3ܘܐܸܢ ܡܵܐܟܼܠܸܢ ܟܠ ܕܐܝܼܬ ܠܝܼ (ܠܡܸܣܟܹܢܹ̈ܐ)؛ ܘܐܸܢ ܣܵܦܸܢ ܦܲܓܼܪܝܼ ܕܦܵܝܸܫ ܡܘܼܩܕܵܐ؛ ܘܚܘܼܒܵܐ ܠܵܐ ܗܵܘܹܐ ܒܝܼܝܼ؛ ܡܸܢܕܝܼ ܠܹܐ ܝܘܸܢ ܒܸܙܝܵܕܵܐ. 4ܚܘܼܒܵܐ ܝܵܪܝܪܟܼܬܵܐ ܝَܠܵܗ̇ ܒܹܢܹܗ؛ ܘܒܵܣܝܼܡܵܐ ܝܠܹܗ؛ ܚܘܼܒܵܐ ܠܹܐ ܒܲܚܸܠ؛ ܚܘܼܒܵܐ ܠܹܐ ܓܲܪܘܸܣ ܓܵܢܹܗ؛ ܠܹܐ ܚܵܬܸܪ؛ 5ܠܹܐ ܦܵܠܸܚ ܕܢܚܸܦܬܵܐ؛ ܠܹܐ ܒܲܥܝܹܐ ܡܸܢܕܝܼ ܕܓܵܢܹܗ؛ ܠܹܐ ܟܵܪܸܒ؛ ܠܹܐ ܚܵܫܸܒܼ ܕܣܸܪܝܵܐ؛ 6ܠܹܐ ܚܵܕܹܐ ܒܥܵܘܠܵܐ؛ ܐܝܼܢܵܐ ܟܹܐ ܚܵܕܹܐ ܒܣܲܪܲܣܬܘܼܬܵܐ؛ 7ܟܠ ܡܸܢܕܝܼ ܟܹܐ ܩܵܒܸܠ؛ ܟܠ ܡܸܢܕܝܼ ܟܹܐ ܗܲܡܸܢ؛ ܥܲܠ ܟܠ ܟܹܐ ܦܵܝܸܫ ܒܗܹܒܼܝܼ؛ ܟܠ ܟܹܐ ܚܵܡܸܠ. 8ܚܘܼܒܵܐ ܗܲܪ ܠܹܐ ܢܵܦܸܠ؛ ܐܝܼܢܵܐ ܐܸܢ ܢܒܼܝܼܵܘܵܬܹ̈ܐ؛ ܒܸܬ ܒܵܛܠܝܼ؛ ܘܐܸܢ ܠܸܫܵܢܹ̈ܐ؛ ܒܸܬ ܫܵܬܩܝܼ؛ ܘܐܸܢ ܝܕܹܥܬܵܐ؛ ܒܸܬ ܒܵܛܠܵܐ. 9ܣܵܒܵܒ ܚܲܕَܟ̰ܵܐ ܟܹܐ ܝܲܕܥܵܚ؛ ܘܚܲܕَܟ̰ܵܐ ܟܹܐ ܢܵܒܲܚ؛ 10ܐܝܼܢܵܐ ܐܝܼܡܲܢ ܕܐܵܬܝܵܐ ܟܵܡܝܼܠܘܼܬܵܐ؛ ܗܿܝܓܵܗ ܒܸܬ ܒܵܛܸܠ ܗ̇ܘ ܡܸܢܕܝܼ ܕܝܼܗَܘܵܐ ܒܵܨܘܿܪܵܐ. 11ܟܲܕ ܝܵܠܵܕَܐ ܝܘܸܢ ܗَܘܵܐ؛ ܐܲܝܟܼ ܝܵܠܵܕَܐ ܟܹܐ ܗܲܡܙܸܡܸܢ ܗَܘܵܐ؛ ܘܐܲܝܟܼ ܝܵܠܵܕَܐ ܟܹܐ ܦܲܪܡܸܢ ܗَܘܵܐ؛ ܘܐܲܝܟܼ ܝܵܠܵܕَܐ ܟܹܐ ܚܵܫܒܸܢ ܗَܘܵܐ. ܐܝܼܢܵܐ ܟܲܕ ܗَܘܹܐܠܝܼ ܐَܢܵܫܵܐ؛ ܒܘܼܛܠܵܝܠܝܼ ܡܸܢܕܝܼܵܢܹ̈ܐ ܕܝܵܠܕَܘܼܬܵܐ. 12ܣܵܒܵܒ ܐܵܕܝܼܵܐ ܐܲܝܟܼ ܕܒܢܘܼܪܵܐ ܒܸܚܙܵܝܵܐ ܝܘܵܚ؛ ܒܡܵܣܵܠܵܐ؛ ܐܝܼܢܵܐ ܗܿܝܓܵܗ ܦܵܬܵܐ ܩܵܕَܡ ܦܵܬܵܐ. ܐܵܕܝܼܵܐ ܒܵܨܘܿܪܵܐ ܒܝܼܕܲܥܝܵܐ ܝܘܸܢ؛ ܐܝܼܢܵܐ ܗܿܝܓܵܗ ܒܸܬ ܝܲܕܥܸܢ ܕܵܐܟܼܝܼ ܕܐܘܼܦ ܦܸܫܠܝܼ ܝܕܸܥܝܵܐ. 13ܐܝܼܢܵܐ ܐܵܕܝܼܵܐ ܐܲܢܹܐ ܬܠܵܬَܐ ܟܹܐ ܦܵܝܸܫܝܼ؛ ܗܲܝܡܵܢܘܼܬܵܐ؛ ܘܗܹܒܼܝܼ؛ ܘܚܘܼܒܵܐ؛ ܘܒܘܼܫ ܓܘܼܪܵܐ ܡܸܢܵܝܗܝ ܚܘܼܒܵܐ ܝܠܹܗ.